10 փաստ՝ որդան կարմիրի մասին

Որդան կարմիրը որդի տեսակ է, որից հայերը ստանում էին նույնանուն ներկը։ Այն Հայաստանի խորհրդանիշներից և հպարտություններից մեկն էր․ ահա՛ թե ինչու փոքրիկը պարտադիր պետք է ծանոթանա այս որդատեսակի հետ։ Մենք առանձնացրել ենք 10 հետաքրքիր փաստ որդան կարմիրի մասին, և այսպես՝

1. Այն գրանցված է Հայաստանի Կարմիր գրքում։
2. Որդան կարմիրից ստացված ներկը հնում կոչվել է նաև Հայկական ներկ, իսկ հեռավոր երկրներում հաճախ «Հայոց աշխարհի»-ի փոխարեն օգտագործում էին «Որդան կարմիրի երկիր» արտահայտությունը։
3. Որդան կարմիրի արտադրությունը եղել է միայն հայ թագավորների մենաշնորհը։ Քաղաքամայր Արտաշատում կային հատուկ ներկատներ, որոնց կոչում էին արքայական։
4. Որդան կարմիրն այնքան մեծ համբավ ու պահանջարկ է ունեցել ողջ աշխարհում, որ Հին Հայաստանից արտահանվող ապրանքների բոլոր ցուցակները սկսվում էին որդան կարմիրով։
5. Պատմական Հայաստանի բոլոր գավառների և իշխանական տների դրոշների վրա գերիշխել է այս գույնը։
6. Որդան կարմիրը օգտագործվել է նաև որպես թանաք։ Հին և միջին դարերում Արևելքի և Եվրոպայի թագավորներն ու կաթողիկոսները ստորագրում էին միայն որդան կարմիրով։
7. Այն եղել է աշխարհի ամենաթանկարժեք ու բարձրորակ ներկը։
8. Մեկ տարում որդան կարմիրը տալիս է ընդամենը մեկ սերունդ, ահա՛ թե ինչով է պայմանավ որված դրա՝ ամենաթանկարժեք ներկերից մեկը լինելը։
9. Ներկը պատրաստելու համար հայերը հավաքում էին որդերին և եփում՝ ստանալով ալ կարմիր ներկ։
10. Որդան կարմիրը Հին Հայերի մոտ եղել է միասնութան խորհրդանիշ։